News
Ramiro y su famia ta super feliz cu nan premio GRANDI di Mini Mega
- Details
ORANJESTAD, Aruba – 26 di juli 2013: E Mini Mega di diamars pasa tabatin hopi hende pendiente di e sorteo, cual ta tuma luga pa 9or di anochi na Tele Aruba. Ora e premio crece bira asina grandi, hungadonan fiel ta para na rij pa cumpra nan ticketnan y ta intercambia deseo pa "suerte" cu otro.
Mini Mega a regala Afl. 24.960 na premio
- Details
ORANJESTAD, Aruba - 25 di Juli 2013: Lotto, e Loteria di Aruba ta sigui cambia bida di su ganadonan! Awor a toca turno na e hungado di Mini Mega, Ruthceline Z. kende a gana e di dos premio cu e bunita suma di Afl. 24.960,=. El a cumpra su ticket ganado na Chebby's Lottery na Ponton. Pero pa sigura cu su liña tabata na awa, el a dicidi di cumpra diferente ticket na diferente luga rond di Aruba. Tur ticket tabata loco y esaki a dun'e e suerte di bira awe un ganado masha contento mes.
Mini Mega ta regala bo e bunita suma di Afl.750 mil florin awe nochi
- Details
ORANJESTAD, Aruba 23 di Juli 2013: Lotto, e Loteria di Aruba ta anuncia cu pa awe diamars 23 di Juli, e jackpot di Mini Mega a alcansa e bunita suma di 750.000 florin y e bon di esaki ta cu abo por bira e feliz ganado. Lotto, e loteria di Aruba kier pa bo liña ta na awa y pa esaki bo mester pasa awe mes na bo rebendedo preferi. Sorteo di Mini Mega ta awe nochi na TeleAruba, Canal 13 pa 9'or di anochi.
Cumpra bo Raspa y bira un di e 75 ganadonan di premionan fabuloso
- Details
ORANJESTAD, Aruba 17 di Juli 2013: Lotto, e Loteria di Aruba no kier laga ningun oportunidad pasa pa bo por bira ganado di tremendo premionan hungando cualkier di nan weganan. Y awo cu e weganan di Raspa, bo tin mas chens di tambe bira un feliz ganado di un di e premionan interesante. Lotto ta regala Blackberry 9320, Super Food Grocery Certificate, Kooyman Certificate, Flora Market Certificate, SETAR Prepaid Cards y sin lubida Cinema Ticket pa 2 persona.
Pa gana ta masha facil. Cumprando cualkier wega di Raspa, e ticketnan cu no a gana, bo ta skirbi bo nomber, number di telefon y adres riba dje. Deposita e ticketnan den e cahanan di e weganan di Raspa na bo rebendedo preferi. Lo bay tin 75 feliz ganado!
Whaldimir M. a gana di dos premio di Mini Mega
- Details
ORANJESTAD, Aruba - 18 di Juli 2013: Whaldimir M. no por a pensa cu e dia lo yega pa e bira e feliz ganador di e di dos premio di Mini Mega. Whaldimir a cumpra su ticket ganado di e di dos premio na Paradera Lottery riba 7 di Mei pasa. Como anecdota el a duna di conoce cu e no tabata sa mes cu el a gana ya cu el a benta e ticket den un lachi di paña sin sa cu eynan e tabatin un premio gordo pa realisa parti di su soñonan.
Hungando solamente 50 cen a gana Afl. 12.500 cu Zodiac
- Details
ORANJESTAD, Aruba 17 di Juli 2013: Diadomingo, dia 14 di juli, pa coincidencia Marionel B. a hay'e den Lucky Potpouri na Bubali y a dicidi di cumpra 50 cen na Zodiac. Marionel no ta un cliente vast y nunca el a pensa mes cu e lo bira ganado di Afl. 12.500 cu e inversion chikito aki.
Mini Mega a bira 575 mil florin pa diamars awo
- Details
ORANJESTAD, Aruba – 15 di juli 2013: Tur siman tin dos sorteo di Mini Mega, un riba diamars y otro riba diabierna. E sorteo di Lotto pa diabierna ultimo no a conoce un ganado pa cual den fin di siman a cambia e premio pa diamars awor pa Afl. 575.000,=.
Soño di fiel hungado di Zodiac ta bira realidad
- Details
ORANJESTAD, Aruba 10 di Juli 2013: Mas y mas fiel hungadornan di Lotto ta birando parti di e grupo grandi di ganadornan cu a haci nan soño realidad. Esaki ta e caso di Sra. Celvin, kende ta un fiel hungador di Zodiac. E tin su numbernan preferi esakinan ta 1748. El a dicidi di hunga e numbernan cu e mas gusta pa e sorteo di merdia y anochi.
Lotto ta reintroduci Raspa y Gana na comunidad cu hopi animo na diferente radio
- Details
Locutornan y personal di Cool FM, Blue FM, Power FM, Latina FM, Caliente FM, Magic FM, Hit 94 y Galactica a haya bishita di e PR di Lotto, e loteria di Aruba pa cu e reintroduccion di Raspa y Gana. Na tur stacion di radio a invita comunidad di Aruba pa purba nan suerte cu Raspa y Gana y ademas a regala tas, scraper y T-shirt na e locutornan pa promove e weganan asina popular cu Lotto a trece bek.
Lotto ta felicita e prome ganado di Afl. 1000 cu Raspa y Gana!
- Details
Lotto, e loteria di Aruba, a reintroduci Raspa y Gana e siman aki. Apenas algun dia despues di su reintroduccion ya Lotto a haya e bon noticia cu un hungado feliz ganado. Liu Zhiging a cumpra su ticket di Some Like It Hot na Wan Li Supermarket y a bira e prome ganado di Afl. 1000 cu Raspa y Gana.
Liu a bisa cu e ta gusta e wega hopi y ta hopi contento cu su premio, cual e no a spera di gana asina lihe despues cu Lotto a cuminsa bek cu e wega popular cu ta ofrece diferente opcion atractivo pa gana premionan grandi y chikito.
Lotto ta reintroduci su wega di "Raspa"
- Details
ORANJESTAD, Aruba - 1 di juli 2013: Lotto, e loteria di Aruba, a re-introduci e wega di Raspa y pa cuminsa a bin cu dos wega, y den e simannan venidero lo introduci mas wega. Raspa y Gana ta bek riba mercado, den un bachi completamente nobo. Lotto ta contento cu por sigui amplia su variedad di wega, biniendo cu wega diferente, nobo y dibertido pa su hungadonan. Riba e ticket di cada wega, tin un splicacion completo na Papiamento con pa hunga e wega y bira un feliz ganado.
