News
Elizabeth Gerardo awor ta super feliz cu su 25 mil florin cu el a gana cu Big 4
- Details
ORANJESTAD, Aruba 4 Januari 2013, Elizabeth Gerardo ta un di e feliz ganadonan di Lotto. Un biaha mas Lotto ta anuncia di ta hopi contento di por haci un otro persona feliz. Elizabeth a cumpra e numbernan 8541 di Big 4 na Shoshoro Snack y pa su suerte el a gana 25 mil Florin. E mesun dia aki Juan Koolman tambe a cumpra e mesun numbernan a resulta ganado di 15 mil Florin.Raquel Werleman a cumpra su numbernan ‘loco’ y a bira miyonario cu Mini Mega
- Details
ORANJESTAD, Aruba - 4 di Januari 2013: Raquel Werleman di Cadushi Largo ta e feliz ganado di e jackpot grandi di Mini Mega. Raquel a cumpra su “Lotto Loco” di e sorteo di Mini Mega diabierna 28 di December den oranan di atardi na Kas Ariba Lottery. Recientemente, Raquel a bishita oficina di Lotto pa reclama su premio y di eynan a bay Kas Ariba Lottery y na studio hunto cu su famia y coleganan di Setar NV.
Campaña Fenomenal di Lotto su 12 Dia di Pasco
- Details
ORANJESTAD , 4 January 2013 : Despues di algun dia ta wardando ansioso, Lotto, a saca e ganado absoluto di nan campaña 12 Dia di Pasco, unda cu e loteria di Aruba a consenti varios hungado rond di Aruba, cu ta ganando diferente premio fabuloso den e dianan aki. Recientemente Ismael Geerman a resulta den e ganado di 12 Dia di Pasco y a pasa reclama su premionan, cu sigur lo cambia e dushi temporada di Fin di Aña y garantisa un bon comienso di aña 2013 p’e. E explosion di premio tabata encera: dos CMB Gift Card na un total di Afl. 6000; un telefon BlackBerry di SETAR na balor di Afl. 500; dos Gift Certificate di Super Food na balor di Afl. 125 y Afl. 65; un Pagara di 100 mil tiro na balor di 125 florin; un Gift Certificate di Kooyman na balor di 85 florin; un Pakete di Clapchi na balor di 75 florin; un Gift Certificate di Flora Market na balor di 60 florin; un Carchi di Telefon di Setar na balor di Afl. 35; un Gift Certificate pa Gasoline; y ticket pa Cinema.
Bispo di Aña Mario Wernet a gana e jackpot grandi di Tic Tac Toe
- Details
ORANJESTAD, 4 January 2013: Mario Wernet a cera 2012 y a brinda "bonbini" na 2013 riba hopi bon pia, celebrando cu el a bira e ganado di e jackpot di fin di aña di Tic Tac Toe. Como cu tabata e ultimo dia di aña y Lotto tabatin un promocion special cu Tic Tac Toe, Sr. Wernet a dicidi di purba su suerte cu e wega aki. El a cumpra tres ticket na Mandingo's Snack, cual ta unda semper e ta cumpra su Lotto, y despues di e sorteo a resulta cu riba un di e ticketnan el a haya cuater linea. No tabatin ningun persona cu a haya cinco linea y ademas Sr. Wernet tabata e unico persona cu a haya cuater linea. Asina el a bira e solo ganado di e jackpot di Afl. 63.584!Juan Koolman a purba suerte y gana Afl. 15.000,- cu Big 4
- Details
ORANJESTAD, Aruba 3 di Januari 2013: Lotto, e loteria di Aruba tin e grato placer di anuncia un otro feliz ganado di Big 4. Ta trata di Sr. Juan E. Koolman, kende cu su señora esposa ta fiel hungadonan di Big 4. Nan ta hunga nan numbernan vast y awor e suerte a toca na nan porta ora cu nan a cumpra nan number 8541 na Shoshoro Snack y a resulta ganador di Afl. 15.000,-.Tic Tac Toe lo conoce un ganado sigur 31 di december
- Details
ORANJESTAD , 30 december 2012 : Despues di varios luna ta haciendo diferente hungado feliz cu e wega promocional Tic Tac Toe, Lotto ta anuncia cu nan a yega na e fase di rolldown, esta cu mester tin un ganado riba 31 di December 2012, di e grandioso jackpot di Tic Tac Toe. Un wega cu sigur a causa masha impacto como tambe diberticion cerca e hungadonan, tabata Tic Tac Toe y cu a demostra cu ta facil pa hunga den grupo of bo so.
Sarah Quandt a gana cu Zodiac
- Details
ORANJESTAD , 28 december 2012 : No mucho dia pasa, Lotto, e loteria di Aruba, a cera conoci cu otro hungado feliz di e wega di Zodiac y awo ta bolbe toca turno, pa entrega un check di Afl. 52.500,- na otro feliz ganado di Zodiac.E biaha aki Sarah Quandt, a bira e ganado afortuna, cu ta hunga su numbernan fiho cu e wega di Zodiac. Diahuebs 27 di december despues di trabou, el a dicidi di pasa Lucky Numbers 3, situa na Arendstraat, pa cumpra e numbernan ganado cu e opcion di tur simbolo. E numbernan 2736, signo Capricornio, ta number ta simbolisa e dia cu su defunto tata ta haci aña y e fecha di su nacemento. Sarah a keda masha contento mes y tur ora e tabata gana suma chikito, te cu porfin awo si el a gana un bon suma.
1.3 miyon florin ta den wega diabierna 28 di december
- Details
ORANJESTAD, Aruba – : E "million florin question" di e siman aki ta: Ken lo bira miyonario AWE diabierna 28 DI DECEMBER? Lotto, e loteria di Aruba kier entrega un check miyonario mas ainda prome cu fin di 2012 y abo por ta e siguiente ganado cu Mini Mega diabierna awo! E Mini Mega a acumula bon, te surpasa Afl. 1.000.000 y ta awe Afl. 1.3 miyon florin!
No warda te ultimo momento, cumpra bo Mini Mega awo mes pa solamente Afl. 5 na cualkier rebendedo di Lotto, pasobra mas cerca di e sorteo, mas largo e rijnan ta bira.
Informacion ariba sorteo di Lotto, pa dianan di fiesta
- Details
ORANJESTAD, Aruba – 23 di december 2012: Lotto, e loteria di Aruba kier a informa cu 24 y 31 di december ta bay tin solamente un sorteo cu ta tuma luga pa 6:45PM na Telearuba. Dia 25, 26 di december y 1 di januari 2013 no ta bay tin sorteo di lotto. Lotto buscando un ganado feliz di 1.1 miyon den su sorteo di Mini Mega
- Details
ORANJESTAD, Aruba – 20 di december 2012: Despues cu diamars ultimo Mini Mega di Lotto, no a conoce ningun ganado di 900 mil florin, awe e premio ta yega e balente suma di 1.1 miyon florin. Sigur e ta un balente suma pa gana prome cu aña cera y si e wordo gana, Aruba lo conoce e di dos miyonario den aña 2012, danki na Lotto, e loteria di Aruba. E ultimo ganado di un sorteo miyonario a ser conoci den April unda e ganado a bay cu e bunita suma di 1.6 miyon florin.No keda sin cumpra bo Mini Mega, ya cu pa solamente Afl. 5 pa ticket, abo tambe ta sigura pa ta den wega y ken sa cu bo por ta e feliz ganado e premio gordo aki, net prome cu fin di aña y asina disfruta di un Pasco completamente diferente. Mane bo haya un chens, pasa cumpra bo ticket trempan, pasobra e rijnan lo ta largo cerca e rebendedonan di Lotto diabierna atardi.
E sorteo di Mini Mega ta masha facil mes pa hunga: Mini Mega ta consisti di 4 cifra te cu 30, plus e Mega Ball cu ta te 15, combina bo numbernan favorito of bo ta pidi un "Mini Mega loco" cerca e rebendedo preferi y bo ta garantisa cu bo liña ta na awa.
12 Dia di Pasco ta e campaña mas generoso y fabuloso di momento
- Details
ORANJESTAD, Aruba – 20 di december 2012: Diaranson y diahuebs representante di Lotto, Damaris Ridderstap a haci un radio tour y a splica e ultimo desaroyonan di e diferente jackpotnan di Lotto, pero particularmente el a contesta e preguntanan tocante e campaña fabuloso "12 Dia di Pasco".
Tur hende ta gusta scucha tocante sorteonan gratis y premionan fabuloso di Lotto! P'esey mes tabatin un ambiente masha "jolly" den esfera di celebracion di Pasco durante Damaris su bishitanan na Cool FM, Hit 94, Magic FM, Radio Latina y Caliente FM.
