fbpx

Good Causes

SincroZwemmen NOV2015ORANJESTAD, Aruba - 30 november, 2015: Recientemente club di landamento sincronisa Baracuda Aruba a tene un competencia di e figura tecnico pa nan atletanan den e edad di 12 aña y menos, 13 pa 15 aña y 16-18 aña. Pa e atletanan di landamento sincronisa ta importante pa competi den e parti di figura tecnico ya cu aki lo midi e promedio di e atleta su prestacion den landamento sincronisa. Asina tambe e atletanan por wordo husga den forma corecto cu a lo largo lo duna su entrada den e seleccion nacional di landamento sincronisa.

Schermen Austin Thomas NOV2015ORANJESTAD, Aruba - 30 di november, 2015: E aña aki, e dianan 20 pa 22 di november, e congreso anual di esgrima organisa pa e federacion mundial di esgrima, F.I.E.(Federation Internacional D'Escrime) a tuma luga na e ciudad di Guangzhou, China. E presidente di e federacion di esgrima di Aruba, SABA, sr. Austin Thomas lo asisti na dicho congreso. Esaki lo bira e di 94 edicion di e congreso cu lo wordo organisa den cooperacion cu e federacion di esgrima di China. Durante di e congreso lo trata diferente topico importante riba e desaroyo di e deporte Olimpico, e biaha aki tambe lo tin un parti cultural cu lo ser atendi.

John Jairo Maduro NOV2015ORANESTAD, Aruba – 16 di november, 2015: Ya pa di 7 aña consecutivo e scol den e deporte di arte marcial Tiger Taekwondo Academy ta organisa su torneo anual Taekwondo Open Championship Torneo de Colores. Un campeonato cu cada aña tin su acohida mirando cu e ta uno di nivel internacional y e aña aki lo conta cu participacion di atletanan for di entre otro Republica Dominicana, Venezuela y Aruba mes. E fecha lo ta 28 di november proximo mientras cu Centro di Bario y Deporte Dakota lo ta e cas di e torneo aki. Lo bay tin varios combate interesante pa mira mientras Aruba su atletanan ta cla pa bataya contra di esunnan di exterior.

Duathlon NOV2015 2ORANJESTAD, Aruba - 18 di november, 2015: Diadomingo awor 20 di november, Aruba Triathlon Association lo organisa nan ultimo actividad pa loke ta e calendario deportivo di aña 2015. Despues di un exitoso Off Road Triathlon unda e participacion tabata masal, e biaha aki lo clausura e temporada cu un Off Road Duathlon. E actividad di Off Road Duathlon lo inicia 7or di mainta na Arashi y lo por competi den e categorianan di mucha, junior y adulto, por participa Individual of den Team di Relevo. E distancia cu lo wordo recori ta como lo siguiente mucha te cu 14 aña lo core 2.2 km – bais 7.2 km – core 1.3 km, mientras den Junior/Adulto esaki lo ta core 4.4 km – bais 14.4 km – core 2.6 km.

Dutch Car.Championship15 NOV 1ORANJESTAD, Aruba - 16 di november, 2015: Recientemente e federacion di esgrima Arubano, SABA a organisa un competencia di esgrima bou nomber di Dutch Caribbean Championship 2015. Mester bisa cu for di nos hermana isla di Corsou un delegacion kendenan a bini pa e competencia menciona. E competencia tabata tin un duracion di dos dia unda a wordo competi den e categorianan di degen y floret.

Synchro Beginners NOV2015ORANJESTAD, Aruba 17 november, 2015: Recientemente e unico club di landamento sincronisa na Aruba esta The Barracudas Aruba a organisa un dia di test pa logra diploma pa e grupo di atleta cu apenas a inicia cu e deporte di landamento sincronisa, cu ta e principiante conoci tambe como e “beginners”. Club di landamento sincronisa, Barracudas, tin varios aña di existencia y tin alrededor di 40 atleta activo.

Ping Pong NOV2015 1ORANJESTAD, Aruba - 16 di november, 2015: E federacion di tennis di mesa, ATTA a organisa su torneo di ping pong pa tur su atletanan, esaki den conexion cu e ASU Olimpiada 2015. E weganan a wordo hunga den e diferente categorianan mientras cu cada hungado a duna su maximo esfuerso pa logra sali como e triunfado.

Our website is protected by DMC Firewall!