Good Causes

Mar2016 Schaken 1ORANJESTAD, Aruba – 1 di april, 2016: Recientemente a tuma luga na e isla di St. Croix, e di cinco edicion di e Carifta Chess Championship den e deporte di ahedrez. Nos dushi isla di Aruba tambe a wordo bon representa durante di e torneo aki. Un total di shete pais a participa na e torneo esakinan Bahamas, Barbados, Jamaica, Surinam, US Virgin Islands, Trinidad & Tobago y Aruba. Mester bisa cu e delegacion di Aruba a haci historia door di logra un di dos luga den e clasificacion general tras di e ganadonan Barbados y dilanti di Surnam.

MAR2016 PED 7ORANJESTAD, Aruba – 1 april, 2016: Diaranson anochi Ministerio di Deporte cu e sosten y apoyo financiero di Lotto, e loteria di Aruba a honra nos atletanan cu a destaca den e aña deportivo 2015. Pa 13 aña caba Premio Excelencia den Deporte ta existi y semper a sirbi como un muestra di gratitud, reconocimento, y estimulo cu ta duna na esunnan cu a destaca den mundo di deporte. Riba e bunita anochi aki atleta y nan famia, dirigentenan como tambe invitadonan di honor a otorga e medaya y galardon maximo na e atletanan cu a sobresali pa nan federacion como tambe pa e Comision di Hurado.

MAR2016 Baseball Little LeagueORANJESTAD, Aruba - 3 di maart, 2016: Diabierna ultimo bou di un entusiasmo grandi e temporada mas dushi di baseball a inicia na Aruba. E organisacion di Aruba Little League a inicia cu nan campeonato cu un bunita ceremonia di apertura den e Parke di baseball Crismo Angela/Nadi Croes na Sta Cruz. Mester bisa cu un bes mas varios ekipo di Nort, Center y South League den e divisionnan di Little, Junior y Senior lo competi e aña aki pa e titulo maximo 2016.

MAR2016 LIFIDA 5ORANJESTAD, Aruba - 22 di maart, 2016. Despues di casi cinco dia di futbol, diabierna ultimo e grandioso torneo anual internacional di futbol infantil di LIFIDA a yega su final. E aña aki un bes mas e organisacion di LIFIDA a conoce un exitoso torneo di futbol cu a conta cu participacion di cinco pais bishitante esta Colombia, Venezuela, Corsou, Boneiro y St Maarten hunto cu e seleccion di U-13 di Aruba.

MAR2016 Little League FreeportORANJESTAD, Aruba- 3 di maart, 2016: Riba invitacion di e representante mas halto di baseball Little League Latinamericano Sr. Carlos Pagan, Aruba Little League den representacion di su DA, Sr. Rhudy Donata a sali pa Freeport, Bahamas unda e congreso anual di Little League Latino Americano y del Caribe a tuma luga.

MAR2016 Karate 1ORANJESTAD, Aruba - 16 di maart, 2016: Recientemente e seleccion di karate di Aruba atende un competencia na e ciudad di New York, Merca. Esaki den e prestigioso torneo New York International Open KARATE 2016. Un total di 6 atleta mas dos coach y un oficial a representa nos isla den e Open aki. Mester bisa cu e campeonato tabata uno grandi y a conta cu participacion di paisnan manera Republica Dominicana, Puerto Rico, Montenegro, Canada, Island of Guadalupe, Trinidad, Scotland, Nepal, India, Uruguay, Georgia, Haiti, Venezuela y Merca.

MAR2016 Hugo Themen 2Oranjestad, Aruba - 3 di maart, 2016: Den e dianan 25 pa 27 di februari ultimo, e conocido entrenador y alabes dirigente y actual presidente di e federacion di pesas, Sr. Hugo Themen tabata na e ciudad di Santo Domingo, Republica Dominicana unda a tuma luga e Congreso Electoral pa e periodico 2016 pa 2020 di e Federacion Panamericana de Levantamiento de Pesas. E congreso a conta cu un participacion di 22 pais miembro di e confederacion Panamericano, entrenan Aruba como tambe Corsow. Mirando e importancia di e congreso tabata tin varios personanan importante den e mundo di pesas a atende esaki manera e presidente di e federacion mundial di weightlifting, Dr. Tamas Ajan y e Secretario General Mr. Ma Wenguang.

Our website is protected by DMC Firewall!