Good Causes

AUG2016 Tennis Patrick SydowORANJESTAD, Aruba - 3 di augustus, 2016: Den e dianan benidero e hoben y alabes prospecto grandi den e deporte di tennis esta Patrick Sydow lo tin un otro compromiso internacional na Monterrey, Mexico. E hoben Sydow kende a caba di hunga un tremendo torneo internacional na Aruba den e tennis TIHTA lo competi den e ITF Junior Cup Tournament. Pa dos siman largo Patrick Sydow lo hunga den e competencia G4. Mester bisa cu Patrick lo enfrenta a miho hungadornan di tennis den nos region cu ta bini principalmente di Merca y Mexico mes.

AUG2016 Kayla Solognier y coach Goitia Tennis 2ORANJESTAD, Aruba - 2 di augustus, 2016: E hoben prospecto den e deporte di tennis, Kayla Solognier recientemente a biaha pa e pais di El Salvador unda e lo hunga e torneo JITIC U-14. E hoben Solognier ta e unico tenista cu lo representa Aruba den e torneo aki. Algun siman atras, Kayla Solognier a atende un clinica di tennis na Merca cerca e conocido entrenador Arubano residencia na Florida, Mark van Romondt esaki como preparacion pa e torneo di JITIC U14. E torneo lo ta di 30 di juli pa cu 6 di augustus y hunto cu Kayla a biaha tambe coach Jonathan Goitia.

JUL2016 Little LeagueORANJESTAD, Aruba – 25 di juli, 2016: Tur aña den e temporada di juli, Aruba Little League ta manda su cuater ekiponan cu lo representa Aruba den e diferente campeonatonan di baseball Little League den Latino Americano y Caribe. Na Aruba mes, e liganan di North, Center y South League ta bataya contra di otro pa mira kende lo representa Aruba, aunke den e categorianan di junior y senior e liganan ta combina,mientras den Little esaki ta entre e tres liganan.

AUG2016 Kamilah DammersORANJESTAD, Aruba - 2 di augustus, 2016: Despues cu anja pasa e la forma parti di e liga profesional di bowling PWBA, e bolichera Kamilah Dammers e anja aki un bes mas ta activo unda e lo hunga su di dos torneo porfesional pa loke ta e temporada aki. Algun siman atras Kamilah a hunga den e PBWA Clearwater pero aki e la keda net cortico pa e playoff entre e 38 miho hungadonan. Awo e lo competi den e torneo mas grandi di Merca esta e PWBA US Open na Las Vegas, Nevada.

JUL2016 KarateORANJESTAD, Aruba – 25 di juli, 2016: Karate ta un di e deportenan cu mas a desaroya den e ultimo aña nan na Aruba. Varios scol di karate entre otro Dojo Budokan, Dojo Shibumi, Dojo Shoshinkai y sin lubida e otro scolnan a lanta cu a haci cu e cantidad di atleta a bira grandi mientras e demanda a sigui crece.

AUG2016 ASU Cursus 1ORANJESTAD, Aruba - 2 di augustus, 2016: Pa dos siman largo, Aruba Sport Unie a organisa dirferente curso pa muchanan jong cu ta interesa den e area pa bira un referee den deporte. Na banda di e curso di referee a oferce un curso adicional di prome auxilio(EHBO) na e cursistanan. Diamars 2 di augustus a cuminsa cu e curso di arbitro den futbol unda a haya varios participante den e edad di 16 aña bay ariba, unda e mayoria ta muchanan di scol cu ta praktica e deporte di futbol.

JUL2016 Tennis Copa MeregueORANJESTAD, Aruba: 25 di juli, 2016. E dianan 8 pa 16 di juli a tuma luga na Republica Dominicana e di 25 edicion di e Copa Merengue den e deporte di tennis. Mirando e participacion tur aña di nos tenistanan Arubano, e aña aki esaki no lo ta un excepcion. Aruba Lawn Tennis Bond a manda e biaha aki un seleccion di mucha homber den e edad di 16 aña.

DMC Firewall is developed by Dean Marshall Consultancy Ltd