Good Causes
ORANJESTAD, Aruba - 12 di september, 2016. Despues cu aña a pasa nos atletanan elite di bodyboard a competi den e dos diferente competencia organisa pa e asociacion mundial di bodyboard profesional, A.P.B. na e pais di Portugal, e aña aki un biaha mas, Aruba Bodyboard Association a opta pa manda un atleta di Aruba pa dicho pais, pero e biaha aki pa e Viana Pro e dianan 21 – 25 di september na Viana Do Castelo. Aruba Bodyboard Association a evalua e sistema di ranking despues di 4 competencia den henter e aña y asina yega na e conclusion pa eligi e hoben Joshua Kelly pa representa Aruba den competencia mundial, cu lo conta cu e mihonan di mundo den bodyboard masculino.
ORANJESTAD Aruba - 12 di september, 2016: Diasabra awo, 17 di september, e federacion di landamento, AZB lo organisa e tradicional Sprint Night Short Course den Piscina Olimpico Roly Bisslik na Savaneta. E competencia ta carga e nomber di Sprint Night unda lo wordo landa riba distancia cortico(“short course”) esta 25meter. Atletanan di landamento lo bataya contra otro riba e distancianan cortico di 25 y 50 meter, mientras lo landa den age group y masters. E competencia ta programa pa cuminsa 6or di atardi.
Read more: Arubaanse Zwembond lo organisa e tradicional Sprint Night Short Course edicion 2016
ORANJESTAD, Aruba - 8 di september, 2016: Diadomingo 11 di september, Aruba Triathlon Association lo organisa su Guardian Group Duathlon Nacional pa mucha, junior y adulto. E mainta aki por competi den e categorianan individual of den ekipo di relevo. E evento lo cuminsa na Boca Catalina pa 7:00 di mainta.
Read more: Cu ayudo di Lotto ATA lo organisa e Duathlon Nacional 2016 diadomingo 11 di september
ORANJESTAD, Aruba- 12 di september, 2016: Diasabra, 10 di september, Aruba Bodybuilding & Powerlifting Association a tene nan anual competencia di Mr. Aruba National Body Building and Fitness Championship. Un competencia di bodybuilding y fitness di nivel super halto cu nos atletanan local lo ta participando na esaki. Cada aña e competencia organisa pa e federacion di ABPA ta hala masha hopi atencion unda e atendencia na e evento ta uno grandi. E aña aki e participantenan lo competi den e categorianan di Mr. Aruba, Mr. Aruba Beginner, Women’s Physique y Mens Physique, Ms Aruba Body Fitness and Bikini.
ORANJESTAD, Aruba - 8 di september, 2016: E aña aki e asociacion di bowling Panamericano, PABCON, lo organisa su di 17 edicion di e asina yama 2016 Panamericano Mayores de Boliche, e aña aki e lo tuma luga na e ciudad di Cali, Colombia. E competencia lo ta uno di adulto unda e miho di henter e continente Pan Americano lo participa y lo tin dos clasificacion. Mas cu claro Aruba su miho atletanan di bowling masculino tambe lo competi na e campeonato aki.
Gregory Milliard cu otro compromiso internacional den Mixed Martial Arts na Detroit Michingan, Merca
ORANJESTAD, Aruba - 8 di september, 2016: Den luna di februari ya caba e la bringa den e evento MMA na Detroit, Michingan unda e la triunfa riba Shamier Garcia. Un triunfo cu a pone e atleta di combate, Gregory Milliard di Aruba riba e podium mundial den e deporte di Mixed Martial Arts. Den e ultimo añanan, e deporte di MMA a crece y bira un di e deportenan mas famoso na mundo, mientras Aruba no a keda atras unda principalmente nos hobennan a cuminsa practica e deporte mientras cada evento tabata tin su acohida grandisimo yena di fanaticada.
ORANJESTAD, Aruba - 7 di september, 2016: Den e weekend tras di lomba e pista di bike cross di Streetwise na San Nicolas tabata cas di e asina yama "Back to School Challange 2016". Ya for di diabierna a cuminsa cu e diferente training y warm up mientras diasabra atardi a inicia cu e caredanan den e diferente categorianan. A core den e categorianan di dama 9 aña y menos, 10 - 13 y 14 aña pariba, cabayero 6 aña y menos, 7 - 8, 9 - 10, 11 - 12, 13 - 14, 15 - 16, 17 aña pariba, Elite y strider 4 aña y menos, Open Class.
Read more: Temporada di BMX tambe a start riba circuito di Streetwise na San Nicolas
