E palabra “Cachi Cachi” ta loke tur hende ta papia di dje, ya cu e ta un palabra hopi gusta entre nos hendenan. Y pa splika mas di e promocion unico aki, representante di Lotto, Damaris Ridderstap a pasa bishita varios radio emisora. Cuminsando na Magic FM, a bishita Erin Croes y a combersa cune tocante ‘Cachi Cachi’. Despues a pasa Canal 90, den e programa tan scucha di Leoncita Arends,  cerca Ruben Garcia na e radio nobo, Power FM, e radio di tur Latino esta, radio Caliente FM 90.7  y finalmente den su ora di noticia cerca Baboe Hoek na Hit 94FM, sin lubida Cool FM y e team di “the Morning Show”, p’asina informa tur e radio oyentenan tocante e campaña unico aki di Lotto, e loteria di Aruba. 

Di e forma aki Lotto a trece un “Cachi Cachi” di suerte na tur e locutornan nan fiel oyentenan, ya cu tur hende por participa y ta masha facil mes. Cumprando e weganan di Big 4, Catochi, Wega di Number Korsou, ya bo ta participa den e campaña di “Cachi Cachi”. Tur dia lo tin un ganado SIGUR di 1000 florin! Multiplica bo chens pa gana: MAS bo cumpra, mas number gratis bo ta ricibi di 6 cifra, pues mas chens bo tin di gana. Cumpra 50 cen y ricibi un number di 6 cifra gratis, cumpra 1 florin y ricibi 2 number di 6 cifra gratis y asina e ta sigui montona, cumpra 2 florin y ricibi 4 number y 3 florin pa ricibi 6 number.

Tur e stacionnan di radio a duna Lotto un tremendo bon bini y a demostra hopi apoyo na E Loteria di Aruba y e contribucion cu nan ta trece den tur area di deporte, cu ta di masha importante pa desaroyo di nos pais como tambe nos hobennan. Pues, Lotto tin como slogan "Cambiando bida", pero tambe nan ta duna back na nos comunidad, na su clientenan, pa medio di “Cachi Cachi”, pa cual e number ganado di dia lo wordo anuncia durante e sorteo di Lotto pa 9’or di anochi via TeleAruba, Canal 13 of riba diadomingo pa 2or di merdia.

{gallery}joomgallery/originals/cachi_cachi_radio_tour_2{/gallery}