fbpx

E numbernan ganado cu a sali den e sorteo tabata 17, 19, 25, 30 y e Mega Ball tabata 10. Di acuerdo cu Lotto di Aruba e premio aki a cay na “Lucky Angel” situa na Tanki Leendert.

 

Lotto, e loteria di Aruba ta pidi tur e fiel cumpradonan di “Lucky Angel” pa nan revisa nan ticketnan bon, pasobra un di nan a gana 500 mil florin. Mester tene cuenta cu Lotto di Aruba ta e unico loteria cu ta duna su ganadonan 90 dia pa por reclama nan premio.

 

No lubida riba e otro weganan di Lotto, manera Catochi, Big 4, Zodiac, Lotto di Dia, Lotto 5, Mini Mega y Wega di Number Korsou, pasobra cu cada compra bo ta contribui na deporte riba nos isla. Lotto di Aruba ta existi desde aña 1983 caba. Algun luna pasa na momento di presenta su imagen nobo, Lotto a haci entrega di un donacion adicional di 1 miyon dollar na e Comision di Subsidio di deporte, kende na su turno ta percura pa e fondonan yega na e organisacionnan di deporte. Meta di e fundacion ta pa organisa loteria, cambia bida di su ganadonan y na mes momento inverti den deporte local.

 

Riba e foto adhunto por aprecia Damaris Ridderstap y Patrick Fortin di Lotto di Aruba, cu e check grandi di 500 mil florin den man, buscando un nomber pa skirbi riba dje y pa por cambia bida di e feliz ganado!

 

DMC Firewall is developed by Dean Marshall Consultancy Ltd