News
Oranjestad, Aruba- 31 di maart 2015: Mini Mega a conoce un solo ganado di e jackpot di mey miyon florin di diabierna, dia 27 di februari! Lotto ta anuncia cu e tin un check cla caba pa e ganado na oficina central di Lotto na Oranjestad. Djis e ganado mester presenta cu su ticket y un identificacion valido pa Lotto yena su nomber riba e check. E ganado a cumpra su ticket di Mini Mega, sin e Mega Plus, na Mabon Lottery y e combinacion di number ganado tabata: 02-04-08-14, Mega Ball 07.
Oranjestad, Aruba- 28 di maart 2015: E jackpot di Lotto 5 pa awe nochi a yega e fabuloso suma di 1.7 MIYON florin y asina a kibra e record di e jackpot mas grandi for di aña 2008. Lotto 5 ta e wega di mas HOT di Lotto actualmente.
Oranjestad, Aruba- 17 maart 2015: En conexion cu e celebracion di nos Dia Nacional, Lotto ta anuncia cu no tin sorteo di merdia y anochi diaranson awo, esta dia 18 di maart. Consecuentemente e sorteo di e Lotto 5 miyonario di E Loteria di Aruba, lo tuma luga durante di e sorteo di anochi di diahuebs, dia 19 di maart. Lotto ta conmemora nos fiestanan nacional y dianan liber oficial, manera ta e caso cu Dia di Himno y Bandera diaranson awo y pues no tin sorteo riba e dia aki.
E jackpot di Lotto 5 ta sigui crece, despues cu no tabatin ganado di e prome premio riba diasabra, dia 14 di maart. Ningun cliente tabatin e combinacion di number 03-09-13-26-30 corecto y e jackpot a bira awo 1.4 miyon florin.
E team di Lotto ta cla, prepara pa entrega siguiente miyonario di Lotto 5 un check grandi, pues cumpra bo Lotto 5 desde awe mes!
ORANJESTAD, Aruba – 12 di maart, 2015: Comienso di luna Big 4 Merdia a haci entrega di un tremendo check. E biaha aki e check ta di 50.000 florin na Robert R. cu ta un fiel hungado di weganan di Lotto y cu semper ta cumpra su numbernan vast. Recientemente e la pasa Buena Vista Lottery y a cumpra e number cu e la yega di gana premio cune caba, esta 1136.
Oranjestad, Aruba- 11 di maart, 2015: E premio maximo di Lotto 5 ta sigui crece y e jackpot pa e sorteo di diaranson awo a yega e suma fabuloso di 1.2 MIYON florin! Bishita cualkier rebendedo prome cu 8:45 di anochi awe y tira bo liña na awa pa solamente 4 florin pa cada ticket. Tur terminal ta cera pa exactamente 8:45PM, pa e sorteo cu ta cuminsa pa 9’or di anochi “live” na TeleAruba, Canal 13.
Oranjestad, Aruba- 10 di maart, 2015: Pa temporada di Carnaval Lotto a invita tur cliente di Raspa y Gana pa participa na un campaña, pa un chens pa gana tres premio cu nan ticketnan no-ganado.
Oranjestad, Aruba – 7 di maart, 2015: Lotto Grandi, Lotto pa Deporte of simplemente Lotto; den comunidad ta scucha diferente nomber p’e prome wega di jackpot cu Lotto a ofrece nos comunidad. Pero pa e sorteo di awe, yam’e na su nomber pasobra e prome premio ta extraordinario:. Pidi pa bo Lotto 5!
ORANJESTAD, Aruba – 26 di februari, 2015: Zodiac, un di e weganan di 4 cifra masha gusta y hunga pa e hungadonan di Lotto, a conoce otro ganado recientemente. E biaha aki Zodiac a reparti 25 mil florin, cu a wordo gana pa Rubia D. cu a cumpra su ticket na Elsa’s Lotto Dakota.
ORANJESTAD, Aruba – 20 di februari, 2015: Lotto, e loteria di Aruba a entrega un bunita suma como prome premio di Lotto di Dia na e hungado Mary I. L.. El a gana e suma grandi di Afl. 114.000,=. Mary a cumpra 3 number di Lotto Di Dia riba Diabierna 13 di februari y el a resulta di ta e ganado cu e combinacion di numbernan di suerte 03-04-19-24-25!
ORANJESTAD, Aruba - 19 di februari, 2015: Gana 28.500 florin cu Zodiac ta algo cu sigur ta sumamente bon bini na cualkier momento. Riba 7 di februari, Big 4 Merdia a conoce un ganado di 28.500 florin kende a cumpra su numbernan di suerte na Lucky Numbers Sasaki.
ORANJESTAD, Aruba - 14 di februari 2015: Majan, Diadomingo 15 di februari, Aruba ta celebra Carnaval 61 durante e parada grandi na Oranjestad, y sorteonan di Lotto lo sigui normal pa 2:00pm. Ta bon pa corda tur hende cu dialuna ta un dia liber y como tal lo NO tin sorteo di Lotto di Aruba. Diamars tur sorteo lo sigui riba nan orario regular. Tuma nota cu esaki ta conta tambe pa Wega di Number Korsou pa diadomingo y tambe dialuna.
