News
Oranjestad, Aruba - 6 di februari, 2015: No benta bo ticketnan no-ganado di Raspa y Gana afo! E ticketnan no-ganado, di cierto weganan particpipante, di Raspa y Gana ta participa den campanja pa gana premio e temporada di carnaval aki. Lotto ta invita tur amante di Raspa y Gana pa pega dos ticket no-ganado, di e weganan participante, na otro, skirbi nomber, adres y number di telefon patras di tur dos ticket y deposita nan den e caha special poni cerca rebendedonan of na oficinanan di Lotto.
Oranjestad, Aruba - 4 di februari, 2015: Lotto ta hopi contento pa informa pueblo di Aruba cu mr. Ariean de Bie a presenta na oficina di Lotto awe mainta cu e ticket ganado di 2.4 miyon florin di Mini Mega y Mega Plus, cu 9 di januari, 2015 a wordo bendi na Euro Lottery.
ORANJESTAD, Aruba – 3 di februari, 2015: Riba Dialuna, 2 di februari, 2015 durante e sorteo di Lotto Merdia den studio na Telearuba, a saca e ganadonan di e campaña di Bank Roll cu a hiba e nomber Un Pasco Completo.
ORANJESTAD, Aruba - 31 di januari 2015: E jackpot di Lotto 5 a sigui crece despues cu no tabatin ganado diaranson pasa y e premio a alcansa e suma fabuloso di 550 mil florin. Siguiente sorteo lo ta awe, 31 di januari pa 9:00pm na Telearuba.
ORANJESTAD, Aruba - 28 di januari, 2015: Despues di algun luna Lotto 5 ta alcansa un premio grandi atrobe. E jackpot di awe ta e suma bunita di 525 mil florin. Riba 27 di september aña Lotto 5 a conoce su ultimo ganado cu e suma di 230 mil florin. Y pa awe e jackpot a alcansa un suma hopi mas grandi, esta e suma di 525.000 florin.
Oranjestad, Aruba – 24 di januari, 2015: Cu esaki Lotto ta anuncia cu diadomingo awo, esta dia 25 di januari, no lo tin e sorteo regular di Lotto na Telearuba pa 2'or di merdia. Comunidad di Aruba, di cual Lotto cu hopi orguyo ta parti di dje, ta observando riba e dia aki e fecha di nacemento di Libertador Gilberto Francois "Betico" Croes, un dia di fiesta oficial pa nos pais.
ORANJESTAD, Aruba – 21 di januari 2015: Big 4 Merdia a haci entrega di un check di 15 mil florin na Ronny D. cu semper ta cumpra su numbernan na Elsa's Lotto Playa. Recientemente durante sorteo di merdia el a gana e suma tremendo di 15 mil florin cu e numbernan 1477.
Oranjestad, Aruba – 21 januari, 2015: Lotto di Dia a yega na e jackpot maximo di 150 mil florin y a "rolldown" riba dia 8 di januari y despues di e sorteo a bira conoci cu tabatin dos ganado, uno cu a cumpra su numbernan di suerte na JR Lottery y e otro a cumpra di dje na Chebby's Lottery. E dos ganadonan tabatin e combinacion exacto, esta 04-05-06-07-10 y cada uno a ricibi un check di 75 mil florin. Di berdad un bunita premio pa cuminsa aña 2015 cune.
ORANJESTAD, Aruba – 20 di januari 2014: E hungado Harry K-P a cumpra numbernan cu e la soña cune na Gitano Lottery. Harry ta conta cu e la soña cla cla cu e numbernan 2037 y a dicidi pa agrega su propio signo na e numbernan, esta e signo di Leo. Di e manera aki e la gana 25.000 florin cu Zodiac Diasabra cu a pasa.
ORANJESTAD, Aruba – 15 di Januari 2015: Lotto un biaha mas ta sigui regala premionan tremendo. E biaha aki cu e wega di e serie di Raspa y Gana tan gusta, esta Cars and Cash. E dia di suerte a toca Yolanda T. e siman aki. Su ruman a cumpra un ticket y e mes a cumpra e ultimo ticket di Cars & Cash cu tawata obtenibel na Lucky 77 na Noord. E ticket cu el a raspa a resulta ganado di e bunita auto nobo nobo."No tin palabra pa mi expresa mi alegria, mi ta super contento. Mi ta un fiel hungado di e weganan di Lotto y lo sigui cumpra y cambia bida cu Lotto", e ganado ta expresa.
ORANJESTAD, Aruba 15 di januari 2015: Riba Dialuna, 8 di December, 2014 durante e sorteo di Lotto Merdia den studio na Telearuba, a saca e ganadonan di e campaña di Cars & Cash. Lotto a haci ganado di e prome premio, Sra. Bernice d. G., hopi contento cu un Samsung Smart TV di 50 inch plus wireless sound-system, Soundbar.
